ကွန်ပြူတာအတွင်း Malware များ ၀င်ရောက်ခြင်း ရှိ မရှိ စစ်ဆေးခြင်း (အပိုင်း - ၃)

Trojan Horse or Trojan
.
.
Trojan Horse ကို Trojan အဖြစ်လည်း လူသိများပါတယ်။ Trojan Horse ဟူသော အမည်နာမသည် Greek နိုင်ငံ Troy မြို့တွင် ဖြစ်ပွားခဲ့သော Trojan War မှ အစပြုခဲ့ခြင်း ဖြစ်သည်။ မြင်းရုပ်အတွင်း စစ်သည်များကို ထည့်သွင်းကာ ညအချိန် မြင်းရုပ်အတွင်းမှ ထွက်တိုက်သည့် Trojan War အကြောင်း သမိုင်းစာမျက်နှာများတွင် အကျယ်တ၀ံ့ ဖော်ပြထားသည်ကို တွေ့ရှိရမည်ဖြစ်သည်။ ထို့အတူ နည်းပညာလောက၏ Malware တစ်ခုဖြစ်သော Trojan Horse သည်လည်း Victim သားကောင်ကို တိုက်ခိုက်နိုင်မည့် Code များကို အမှန်တကယ့် Software များအတွင်း ထည့်သွင်းကာ အယောင်ဆောင် တိုက်ခိုက်ခြင်း ဖြစ်သည်။ Trojan Horse ၀င်ရောက်ခြင်း ခံရသော စံနစ်သည် တိုက်ခိုက်သူများ ၀င်ရောက်နိုင်မည့် လမ်းကြောင်းများကို ဖွင့်ပေးပြီး အချက်အလက်များကို ခိုးယူစေခြင်း ၊ ဖျက်ဆီးစေခြင်း ၊ စံနစ်ကို အသုံးပြု၍ အဆင်မပြေအောင် နှောင့်ယှက်နိုင်ခြင်း စသည့် လုပ်ငန်းဆောင်တာများကို လုပ်ဆောင်နိုင်ပါသည်။
.
.
Virus 
.
Virus သည် လူသိများလှသော Computer Malware တစ်မျိုးဖြစ်သည်။ Virus သည် စံနစ်များ ၊ ကွန်ယက်များအတွင်း ကူးစက်ပျံ့ပွားနိုင်ပါသည်။ Virus သည် Flash Drive များအတွင်း၌လည်း သယ်ဆောင် ပျံ့နှံ့နိုင်ပါသည်။ Virus များသည် အခြားသော ဖိုင်များနှင့် ပေါင်းစပ်နိုင်ကာာ စံနစ်များအတွင်းသို့ ကူးစက် စေနိုင်ပါသည်။ Virus များကို Victim သားကောင်များမှ Virus မှန်းမသိဘဲ စံနစ်အတွင်း ထည့်သွင်းမိသည့် အချိန်မှစ၍ ကူးစက်ပျံ့နှံ့ပါသည်။ Virus များသည် စံနစ်ကို ဖျက်ဆီးနိုင်ခြင်း ၊ အချက်အလက်များကို ခိုးယူနိုင်ခြင်း ၊ Botnets များကို ဖန်တီးနိုင်ခြင်း ၊ ကွန်ပြူတာကွန်ယက်များကို အသုံးပြုလို့မရအောင် နှောင့်ယှက်နိုင်ခြင်း စသည့် လုပ်ငန်းဆောင်တာများကို လုပ်ဆောင်နိုင်ပါသည်။ ကာကွယ်ရန်အတွက် Antivirus များကို Installation ပြုလုပ်ထားရမည် ဖြစ်သည်။
.
.
Worm
.
Worms သည် ကွန်ပြူတာကွန်ယက်များအတွင်း အလိုအလျှောက် ပွားများနိုင်ကာ အခြားသော စံနစ်များသို့လည်း အလိုအလျှောက် ကူးစက်နိုင်ပါသည်။ Worms များတွင် Payloads စံနစ်များ ပါဝင်နေတတ်ပါသည်။ Payloads ဆိုသည်မှာ စံနစ်တစ်ခုအတွင်း ၀င်ရောက်သွားပါက ထို စံနစ်အတွင်း ထိခိုက်မှူ့များ အားနည်းချက်များ ဖြစ်အောင် ဆောင်ရွက်နိုင်စွမ်းရှိပါသည်။ ထို့ကြောင့် Worms များကူးစက်ခြင်းခံရသော စံနစ်များ ကွန်ယက်များသည် အားနည်းချက်များ ဖြစ်ပေါ်စေခြင်း ၊ တိုက်ခိုက်သူများ ၀င်ထွက်သွားလာနိုင်သော ယိုပေါက်များ ဖြစ်ပေါ်စေခြင်း ၊ အချက်အလက်များကို ခိုးယူနိုင်ခြင်း ၊ စံနစ်များ ကွန်ယက်များကို ထိခိုက် ပျက်ဆီးစေနိုင်ခြင်း စသည့်လုပ်ဆောင်ချက်များကို လုပ်ဆောင်နိုင်ပါသည်။ Virus များနှင့် Worms များသည် အခြေခံအားဖြင့်တူညီသော်လည်း အဓိက ကွဲပြားခြားနားသည့်အချက်မှာ Virus သည် တစ်စုံတစ်ယောက်၏ အကူအညီမပါဘဲ မကူးစက်နိုင်ပါ။ Worms များကတော့ တစ်စုံတစ်ယောက်၏ အကူအညီမပါဘဲနှင့် အလိုအလျှောက် ဆင့်ပွားကာ ကူးစက်နိုင်ပါသည်။
.
.
25-3-2016
တကိုယ်တော်သိုင်းသမား
ကိုရီချင်